אתר התנ"ך מאת שאקל

אתם נמצאים בספר ׳³ג€׳³ג€˜׳³ֲ¨׳³ג„¢ ׳³ג€׳³ג„¢׳³ן¿½׳³ג„¢׳³ן¿½ ׳³ן¿½

א: ויועץ דויד עם שרי האלפים והמאות לכל נגיד

ב: ויאמר דויד לכל קהל ישראל אם עליכם טוב ומן יהוה אלהינו נפרצה נשלחה על אחינו הנשארים בכל ארצות ישראל ועמהם הכהנים והלוים בערי מגרשיהם ויקבצו אלינו

ג: ונסבה את ארון אלהינו אלינו כי לא דרשנהו בימי שאול

ד: ויאמרו כל הקהל לעשות כן כי ישר הדבר בעיני כל העם

ה: ויקהל דויד את כל ישראל מן שיחור מצרים ועד לבוא חמת להביא את ארון האלהים מקרית יערים

ו: ויעל דויד וכל ישראל בעלתה אל קרית יערים אשר ליהודה להעלות משם את ארון האלהים יהוה יושב הכרובים אשר נקרא שם

ז: וירכיבו את ארון האלהים על עגלה חדשה מבית אבינדב ועזא ואחיו נהגים בעגלה

ח: ודויד וכל ישראל משחקים לפני האלהים בכל עז ובשירים ובכנרות ובנבלים ובתפים ובמצלתים ובחצצרות

ט: ויבאו עד גרן כידן וישלח עזא את ידו לאחז את הארון כי שמטו הבקר

י: ויחר אף יהוה בעזא ויכהו על אשר שלח ידו על הארון וימת שם לפני אלהים

יא: ויחר לדויד כי פרץ יהוה פרץ בעזא ויקרא למקום ההוא פרץ עזא עד היום הזה

יב: ויירא דויד את האלהים ביום ההוא לאמר היך אביא אלי את ארון האלהים

יג: ולא הסיר דויד את הארון אליו אל עיר דויד ויטהו אל בית עבד אדם הגתי

יד: וישב ארון האלהים עם בית עבד אדם בביתו שלשה חדשים ויברך יהוה את בית עבד אדם ואת כל אשר לו

עזרו לנו להשאיר את האתר פעיל
לתרומות לחצו על - Paypal Donate